útlendingar.
Virðulegi forseti. Ég er með á þessu máli, þ.e. sem lýtur að því að stytta málsmeðferðartíma vegna hælisumsókna og umsókna erlendra aðila um dvalarleyfi og vist í landinu. Ég vil þó vekja athygli á því að við hv. þm. Bjarkey Gunnarsdóttir lögðum fram fyrirvara við nefndarálit við afgreiðslu þessa máls og viljum hnykkja á mikilvægi þess að hraðari málsmeðferð komi ekki niður á gæðum þjónustu eða réttarstöðu eða réttaröryggi hlutaðeigandi. Það er mjög mikilvægt en í því efni veldur hver á heldur. Það er í höndum framkvæmdarvaldsins að skilja vilja löggjafans í þessu máli.
Ég greiði þessu að sjálfsögðu jáyrði mitt.