frumvarp um raflínur að Bakka.
Virðulegur forseti. Fyrst nokkur orð um aðgang Alþingis að embættismönnum ríkisins og sérfræðiþekkingu þeirra til þess að stuðla að sem vandaðastri lagasetningu og sem öflugustu eftirlitshlutverki. Það hlýtur og á að vera forseta þingsins og raunar forsætisnefnd allri áhyggjuefni ef þingnefnd fær ekki aðgang að sérfræðiþekkingu í ráðuneyti af pólitískum ástæðum. Það er grundvallaratriði um það að við nýtum þá þekkingu sem við eigum í stjórnkerfi okkar, þá fjármuni sem við verjum til að ráða sérfræðinga til starfa, að Alþingi hafi alltaf aðgang að því óháð því hverjir sitja í ríkisstjórn eða hvaða flokkar fara með ráðuneyti eða í hvaða ráðuneyti viðkomandi mál kann að liggja.
Í öðru lagi vil ég spyrja forseta hvort það eigi að skilja ummæli hans sem svo að þó að málið fari á dagskrá hér verði 2. umr. ekki lokið fyrr en álit yfirlögfræðings Alþingis á málinu liggur fyrir.