afsal þingmennsku.
Forseta barst þann 4. september síðastliðinn bréf frá Helgu Völu Helgadóttur, 4. þm. Reykv. n., þar sem hún segir af sér þingmennsku frá og með þeim degi. Bréfið er svohljóðandi:
„Með bréfi þessu tilkynni ég virðulegu Alþingi að ég mun frá og með deginum í dag segja af mér þingmennsku sem 4. þingmaður Reykjavíkurkjördæmis norður.
Virðingarfyllst, Helga Vala Helgadóttir.“
Við þingmennskuafsal Helgu Völu Helgadóttur tekur Dagbjört Hákonardóttir sæti hennar á Alþingi og verður 11. þm. Reykv. n. en Jóhann Páll Jóhannsson verður 4. þm. kjördæmisins. Dagbjört Hákonardóttir hefur áður tekið sæti á Alþingi og er boðin velkomin til starfa á ný.
Ég vil að þessu tilefni að sjálfsögðu færa Helgu Völu Helgadóttur þakkir fyrir störf hennar á Alþingi á undangengnum árum og ég óska henni fyrir hönd okkar allra, velfarnaðar í þeim störfum sem hún tekur sér fyrir hendur.