 Pétur H. Blöndal Fæddur í Reykjavík 24. júní 1944, dáinn 26. júní 2015. Foreldrar: Haraldur H. J. Blöndal (fæddur 29. mars 1917, dáinn 22. júní 1964) sjómaður og verkamaður og Sigríður G. Blöndal (fædd 5. september 1915, dáin 29. júní 2000) skrifstofumaður. Maki 1 (1. september 1968): Monika Blöndal (fædd 31. janúar 1947) kennari. Þau skildu. Foreldrar: Fritz Dworczak og Maria Dworczak. Maki 2: Guðrún Birna Guðmundsdóttir (fædd 2. maí 1966) tölvunarfræðingur. Þau skildu. Foreldrar: Guðmundur Unnar Agnarsson og Ingveldur Björnsdóttir, dóttir Björns Þórarinssonar varaþingmanns. Maki 3: Eyrún Rós Árnadóttir (fædd 1975). Börn og kjörbörn Péturs og Moniku: Davíð (1972), Dagný (1972), Stefán Patrik (1976), Stella María (1980). Börn Péturs og Guðrúnar Birnu: Baldur (1989), Eydís (1994). Stúdentspróf MR 1965. Diplom-próf í eðlisfræði, stærðfræði og tölvufræði við Kölnarháskóla 1968. Diplom-próf í hagnýtri stærðfræði, líkindafræði, tölfræði, tryggingastærðfræði og alþýðutryggingum við Kölnarháskóla 1971. Doktorspróf við sama háskóla 1973. Sérfræðingur við Raunvísindastofnun Háskóla Íslands 1973-1975. Stundakennari við Háskóla Íslands 1973-1977. Forstjóri Lífeyrissjóðs verslunarmanna 1977-1984. Tryggingafræðileg ráðgjöf og útreikningar fyrir lífeyrissjóði og einstaklinga 1977-1994. Framkvæmdastjóri Kaupþings hf. 1984-1991. Kennari við Verslunarskóla Íslands 1991-1994. Starfandi stjórnarformaður Tölvusamskipta hf. 1994-1995. Var í nefnd um gjaldhæfi og greiðsluhæfi vátryggingafélaga 1977. Formaður skattamálanefndar Sjálfstæðisflokksins 1981-1982. Í stjórn Húseigendafélagsins 1981-1992, lengst af formaður. Formaður framkvæmdanefndar Landssambands lífeyrissjóða 1980-1984. Formaður Landssambands lífeyrissjóða 1984-1990. Var í endurskoðunarnefnd lífeyriskerfisins 1984-1986. Í stjórn Verðbréfaþings Íslands 1985-1990. Í stjórn Félags íslenskra tryggingafræðinga af og til. Í stjórn Söfnunarsjóðs lífeyrisréttinda 1981-1988. Í stjórn Kaupþings hf. 1982-1986 og formaður nokkurra dótturfyrirtækja 1987-1991. Stjórnarformaður Silfurþings ehf. síðan 1988. Í nefnd um reglugerð fyrir húsbréfakerfið 1988. Í stjórn Tölvusamskipta hf. 1990-2001, lengst af formaður. Í stjórn SH-verktaka hf. 1991-1992. Stjórnarformaður Veðs hf. og Veðafls hf. 1992-1993. Í stjórn Sæplasts hf. 1991-1996. Varaformaður Marstars hf. 1994-1997. Í bankaráði Íslandsbanka hf. 1994-1995. Í stjórn SPRON 2003-2004. Í nefnd um endurskoðun stærðfræðikennslu 1994-1998. Alþingismaður Reykvíkinga 1995-2003, alþingismaður Reykjavíkurkjördæmis suður 2003-2007, alþingismaður Reykjavíkurkjördæmis norður 2007-2013, alþingismaður Reykjavíkurkjördæmis suður 2013-2015 (Sjálfstæðisflokkur). Iðnaðarnefnd 1995-2003, félagsmálanefnd 1995-2007, efnahags- og viðskiptanefnd 1995-2000 og 2003-2007 (formaður), sérnefnd um fjárreiður ríkissins 1996-1997, heilbrigðis- og trygginganefnd 2003-2007, efnahags- og skattanefnd 2007-2011 (formaður 2007-2009), félags- og tryggingamálanefnd 2007-2011, heilbrigðisnefnd 2007-2009, velferðarnefnd 2011-2012, efnahags- og viðskiptanefnd 2012-2013 og 2013-2015, stjórnskipunar- og eftirlitsnefnd 2013-2015. Íslandsdeild þings Öryggis- og samvinnustofnunar Evrópu 1995-2000, 2003-2013 (formaður 1996-2000 og 2003-2007) og 2013-2015.
Hefur ritað greinar í blöð og tímarit um húsnæðismál, fjármál og lífeyrismál og flutt útvarpserindi um sama efni. |
