Fundur þingmannanefndar EES í Reykjavík 25. ágúst
Fundur þingmannanefndar EES fer fram í Hörpu í dag í boði Alþingis. Í nefndinni eiga sæti þingmenn frá Evrópuþinginu og þjóðþingum EES/EFTA-ríkjanna, Íslands, Noregs og Liechtenstein, auk áheyrnarfulltrúa frá svissneska þinginu.
Dagskrárefni fundarins eru m.a. framkvæmd EES-samningsins, þátttaka EES/EFTA-ríkjanna í áætlunum ESB, uppbyggingarstyrkir EFTA, loftslagsmál, samvinna á norðurslóðum, samskipti við Bretland og samband Sviss og ESB. Þetta er fyrsti alþjóðlegi fundurinn hérlendis sem Alþingi stendur fyrir frá því í nóvember 2019.
Af hálfu Íslandsdeildar þingmannanefnda EFTA og EES sækja fundinn Smári McCarthy, formaður, Bjarkey Olsen Gunnarsdóttir og Hanna Katrín Friðriksson.
Frá fundi þingmannanefndar EES í Hörpu.
© Þorfinnur Ómarsson/EFTA
