Ísland fær friðarverðlaun Samtaka kvenleiðtoga
Ísland hlaut friðarverðlaun Samtaka kvenleiðtoga (WPL) á ársfundi samtakanna, sem nú stendur yfir í Brussel. Íslenska sendinefndin á fundinum tók á móti verðlaununum fyrir Íslands hönd.
Verðlaunin eru veitt fyrir árangur Íslands í að stuðla að friði í heiminum. Verðlaunin eru byggð á gögnum frá Global Peace Index (GPI) frá árinu 2022. Í rökstuðningi segir að Ísland hafi verið sterkur aðili í því að koma á stöðugleika í heimsfriði, verið fyrirmynd í því að koma í veg fyrir átök og stuðla að stöðugleika.
Alþingiskonurnar Halla Signý Kristjánsdóttir, Ásthildur Lóa Þórsdóttir og Diljá Mist Einarsdóttir tóku við friðarverðlaununum, sem þær Obiageli Ezekwesili, formaður stjórnar Samtaka kvenleiðtoga, og Silvana Koch-Mehrin, forseti Samtaka kvenleiðtoga, afhentu.
Ljósmynd / WPL
