Varaforseti Úkraínuþings heimsækir Alþingi
Birgir Ármannsson, forseti Alþingis, átti í dag fund með varaforseta Úkraínuþings, Olenu Kondratiuk, ásamt sendinefnd í Alþingishúsinu. Þá átti Kondratiuk fund með þingmönnum í utanríkismálanefnd og hitti fulltrúa í forsætisnefnd á hádegisverðarfundi.
Gerði hún grein fyrir brottnámi úkraínskra barna til Rússlands, hvernig draga má Rússa til ábyrgðar fyrir innrásina í Úkraínu og um aðlögun Úkraínu að vestrænum alþjóðastofnunum. Þá var einnig rætt um stöðu kvenna og jafnréttismál en varaforseti Úkraínuþings og sendinefnd frá Úkraínu sækja Kynjaþing á morgun, sem Kvennréttindafélag Íslands stendur fyrir.
Fánum Íslands og Úkraínu var flaggað við Alþingishúsið í tilefni heimsóknarinnar.
Varaforseti Úkraínuþings hitti fulltrúa úr utanríkismálanefnd Alþingis. Frá vinstri: Teitur Björn Einarsson, Mariia Ionova, þingmaður á Úkraínuþingi, Jakob Frímann Magnússon, Diljá Mist Einarsdóttir, Jón Bjarnason, formaður utanríkismálanefndar, Olena Kondratiuk, varaforseti Úkraínuþings, Logi Einarsson og Gísli Rafn Ólafsson.
Fulltrúar úr forsætisnefnd hittu gestina. Frá vinstri: Ásthildur Lóa Þórsdóttir, Mariia Ionova, þingmaður á Úkraínuþingi, Birgir Ármannsson, forseti Alþingis, Olena Kondratiuk, varaforseti Úkraínuþings, og Oddný G. Harðardóttir.