Lagasafn. Íslensk lög 13. september 2022. Útgáfa 152c. Prenta í tveimur dálkum.
Lög um fjarskiptasjóð1)
2005 nr. 132 20. desember
1)Lögin falla úr gildi í árslok árið 2022 skv. 9. gr., sbr. l. 96/2017, 47. gr.
Ferill málsins á Alþingi.
Frumvarp til laga.
Tóku gildi 30. desember 2005. Breytt með: L. 162/2010 (tóku gildi 1. jan. 2011). L. 126/2011 (tóku gildi 30. sept. 2011). L. 179/2011 (tóku gildi 30. des. 2011). L. 126/2016 (tóku gildi 1. jan. 2017 nema 1., 2., c-liður 8., 9., 18., r-liður 19., 20., 22.–24., 28., 29., 41., 58., 60. og 61. gr. sem tóku gildi 31. des. 2016, s-liður 19. gr. sem tók gildi 1. apríl 2017 og 10. gr. sem tók gildi 1. sept. 2017; komu til framkvæmda skv. fyrirmælum í 62. gr.). L. 96/2017 (tóku gildi 31. des. 2017 nema 1., 11., 13., 14., 17.–27., 31.–35. og 38.–46. gr. sem tóku gildi 1. jan. 2018; komu til framkvæmda skv. fyrirmælum í 49. gr.). L. 53/2018 (tóku gildi 22. júní 2018).
Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við
háskóla-, iðnaðar- og nýsköpunarráðherra eða
háskóla-, iðnaðar- og nýsköpunarráðuneyti sem fer með lög þessi. Upplýsingar um málefnasvið ráðuneyta skv. forsetaúrskurði er að finna
hér.
1. gr.
Fjarskiptasjóður.
![](/lagas/hk.jpg)
Stofna skal sérstakan sjóð, fjarskiptasjóð, sem hefur það hlutverk að stuðla að uppbyggingu á sviði fjarskiptamála á grundvelli fjarskiptaáætlunar. Sjóðurinn er eign ríkisins. Varsla hans og dagleg umsýsla heyrir undir [ráðuneytið].
1)
1)L. 126/2011, 411. gr.
2. gr.
Hlutverk.
![](/lagas/hk.jpg)
Hlutverk sjóðsins er að úthluta fjármagni til verkefna sem miða að uppbyggingu stofnkerfa fjarskipta, verkefna sem stuðla að öryggi og samkeppnishæfni þjóðfélagsins á sviði fjarskipta og annarra verkefna, enda sé kveðið á um þau í fjarskiptaáætlun, og ætla má að ekki verði í þau ráðist á markaðsforsendum.
3. gr.
Stjórn.
![](/lagas/hk.jpg)
[Ráðherra skipar þrjá menn í stjórn fjarskiptasjóðs, þar af formann og varaformann, auk varamanna. Skipunin gildir til þriggja ára í senn.]
1)
![](/lagas/hk.jpg)
Stjórn sjóðsins skal hafa yfirumsjón með fjármálum fjarskiptasjóðs í samræmi við hlutverk sjóðsins. Stjórn sjóðsins [skal]
2) skila skýrslu um starfsemi sjóðsins til [ráðherra]
3) sem leggur hana fyrir Alþingi til upplýsingar.
1)L. 179/2011, 1. gr. 2)L. 53/2018, 12. gr. 3)L. 162/2010, 245. gr.
4. gr.
Fjármögnun verkefna.
![](/lagas/hk.jpg)
Stjórnin ákveður framlög úr sjóðnum í samræmi við hlutverk sitt og fjarskiptaáætlun og semur greiðsluáætlun þar um innan heimilda fjárlaga. Stjórnin getur sett nánari reglur um framkvæmd einstakra verkefna, þar á meðal um faglegt eftirlit með verkefnum og framvindu þeirra. Stjórnin getur ákveðið tilfærslu fjármuna milli ára og/eða einstakra verkefna ef nauðsyn krefur.
5. gr.
Umsýsla og eftirlit.
![](/lagas/hk.jpg)
Þeir sem fá úthlutað fé úr fjarskiptasjóði skulu gera grein fyrir framvindu verkefna og ráðstöfun fjár samkvæmt nánari reglum sjóðstjórnar.
![](/lagas/hk.jpg)
[Ríkisendurskoðun annast árlega endurskoðun reikninga sjóðsins.]
1)
1)L. 179/2011, 2. gr.
6. gr.
Tekjur.
![](/lagas/hk.jpg)
Tekjur fjarskiptasjóðs eru framlag úr ríkissjóði samkvæmt ákvörðun Alþingis og tekjur af ávöxtun fjármuna sjóðsins.
![](/lagas/hk.jpg)
[Tekjur ríkissjóðs sem til eru komnar vegna gjalda fyrir afnot af tíðnum, sem lögð eru á samkvæmt heimild í
lögum um fjarskipti, nr. 81/2003, skulu renna í fjarskiptasjóð.]
1)
1)L. 179/2011, 3. gr.
7. gr.
Kostnaður af rekstri.
![](/lagas/hk.jpg)
Fjarskiptasjóður ber allan kostnað af starfsemi sinni …
1)
1)L. 179/2011, 4. gr.
8. gr.
Reglugerðarheimild.
![](/lagas/hk.jpg)
[Ráðherra]
1) er heimilt að kveða nánar á um skipulag sjóðsins og framkvæmd laga þessara með reglugerð.
2)
1)L. 162/2010, 245. gr. 2)Rg. 870/2014.
9. gr.
Gildistaka.
![](/lagas/hk.jpg)
Lög þessi öðlast þegar gildi. [Lög þessi falla úr gildi í árslok árið [2022],
1) inneign sjóðsins eftir uppgjör verkefna við þau tímamót rennur í ríkissjóð.]
2)
1)L. 96/2017, 47. gr. 2)L. 179/2011, 5. gr.