6. fundur
framtíðarnefndar á 154. löggjafarþingi
haldinn í Smiðju, þriðjudaginn 6. febrúar 2024 kl. 11:30

Mætt:

Halldóra Mogensen (HallM) formaður, kl. 11:30
Brynhildur Björnsdóttir (BrynB) fyrir Steinunni Þóru Árnadóttur (SÞÁ), kl. 11:30
Jakob Frímann Magnússon (JFM), kl. 11:45
Lilja Rannveig Sigurgeirsdóttir (LRS), kl. 11:30
Njáll Trausti Friðbertsson (NTF), kl. 11:30
Sigmar Guðmundsson (SGuðm), kl. 11:30

Orri Páll Jóhannsson boðaði forföll. Ágúst Bjarni Garðarsson, Berglind Ósk Guðmundsdóttir, Logi Einarsson og Sigmundur Davíð Gunnlaugsson voru fjarverandi.

Nefndarritari: Anna Sigurborg Ólafsdóttir

Bókað:

Fundargerðir 4. og 5. fundar voru samþykktar.

Framtíðarnefnd mun eiga fund með framtíðarnefnd finnska þingsins þann 20. febrúar þar sem fjallað verður um hugsanlegt samstarf og mikilvægi framtíðarnefnda hjá þjóðþingum.

Formaður fór yfir boð til nefndarmanna á alþjóðlega ráðstefnu, Futures of Democracies, sem fjallar um framtíðarþróun lýðræðis. Ráðstefnan er skipulögð af Framtíðarsetri Íslands í samstarfi við m.a. alþjóðasamtök framtíðarfræðinga (WFSF).
Formenn framtíðarnefndar Alþingis, framtíðarnefndar finnska þingsins og þess úrúgvæska munu taka þátt í pallborði á ráðstefnunni og fjalla um hlutverk framtíðarnefnda á þjóðþingum.

Ákveðið var að halda næstu málstofu framtíðarnefndar þann 16. febrúar kl.10:30-11:30. Umræðuefni málstofunnar verður alþjóðleg staða stefnumótunar um gervigreind.
Lára Herborg Ólafsdóttir, lögmaður hjá LEX mun fjalla um gervigreindartilskipun ESB með áherslu á grundvallarréttindi einstaklinga, mannlega aðkomu og gagnsæi.
Jamie Berryhill, verkefnastjóri og gervigreindarsérfræðingur hjá OECD mun fjalla um stefnu OECD í þessum málaflokki. Jamie hefur mikla þekkingu á alþjóðlegri stefnumótun um gervigreind en hann leiddi stefnu stjórnvalda í Bandaríkjunum í stafrænni þróun.

Fjallað var um dagskrá næsta fundar framtíðarnefndar sem verður þann 13. febrúar nk.

Fundi slitið kl. 12:20