43. fundur
stjórnskipunar- og eftirlitsnefndar á 143. löggjafarþingi
haldinn í Austurstræti 8-10, fimmtudaginn 10. apríl 2014 kl. 09:05

Mættir:

Birgitta Jónsdóttir (BirgJ) 2. varaformaður, kl. 09:05
Brynhildur Pétursdóttir (BP), kl. 09:05
Helgi Hjörvar (HHj), kl. 09:44
Ólafur Þór Gunnarsson (ÓGunn) fyrir ÖJ, kl. 09:05
Pétur H. Blöndal (PHB), kl. 09:05
Sigrún Magnúsdóttir (SigrM), kl. 09:05
Valgerður Bjarnadóttir (VBj), kl. 09:15
Willum Þór Þórsson (WÞÞ), kl. 09:29

Brynjar Níelsson og Karl Garðarsson boðuðu forföll vegna þingstarfa erlendis.

Nefndarritari: Hildur Eva Sigurðardóttir

Bókað:

Fundargerðir 33. fundar, 40. fundar og 41. fundar voru samþykktar.

Birgitta Jónsdóttir, 2. varaformaður, stýrði fundi og dreifði drögum að frumvarpi um breytingu á lögum um fjarskipti, nr. 8/2013, þar sem lagt yrði til að ákvæði laganna um gagnageymd yrði fellt brott í ljósi nýlegs dóms Evrópudómstólsins í málum C-293/12 and C-594/12 sem féll 8. apríl sl. Samþykkt var að vinna með drögin áfram og taka þau fyrir síðar.

Samþykkt að senda málið til umsagnar.

Nefndin ræddi málsmeðferð skýrslu rannsóknarnefndar Alþingis um rannsókn á aðdraganda og orsökum erfiðleika og falls sparisjóðanna. Samþykkt var að senda forseta Alþingis bréf þar sem m.a. væri komið á framfæri sjónarmiðum um mikilvægi þess að þingmönnum gæfist nægilegt ráðrúm til að kynna sér mál sem þessi áður en þau væru sett á dagskrá þingfundar og að eðlilegt væri að forseti væri framsögumaður skýrslna af þessu tagi en ekki ráðherra þess málaflokks sem til umfjöllunar væri.

Fleira var ekki gert.

Fundi slitið kl. 10:10