Ferill 393. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 778 — 393. mál.
3. umræða.
Breytingartillaga
við frumvarp til laga um breytingu á lögum um fæðingar- og foreldraorlof, nr. 95/2000, með síðari breytingum (lenging fæðingarorlofs).
Frá meiri hluta velferðarnefndar (ÓGunn, ÁsF, HSK, LRM, VilÁ).
1. Við 1. gr.
a. Í stað orðsins „fimm“ í a-lið komi: fjóra.
b. Í stað orðsins „tólf“ í b-lið komi: tíu.
2. Við 2. gr.
a. Í stað orðsins „fimm“ í a-lið komi: fjóra.
b. Í stað orðsins „tólf“ í b-lið komi: tíu.
3. Við 3. gr.
a. Í stað orðsins „fimm“ í a-lið komi: fjóra.
b. Í stað orðsins „tólf“ í b-lið komi: tíu.
4. 4. gr. orðist svo:
Við lögin bætist nýtt ákvæði til bráðabirgða, svohljóðandi:
Ráðherra skal í október 2020 leggja fram á Alþingi frumvarp til laga þar sem kveðið verði á um að foreldrar barna sem fæðast, eru ættleidd eða tekin í varanlegt fóstur 1. janúar 2021 eða síðar skuli eiga rétt á tólf mánaða fæðingarorlofi og um lengingu á rétti til fæðingarstyrks í tólf mánuði. Jafnframt verði í frumvarpinu kveðið á um skiptingu orlofsins milli foreldra. Leggi ráðherra ekki fram slíkt frumvarp skulu foreldrar barna sem fæðast, eru ættleidd eða tekin í varanlegt fóstur 1. janúar 2021 eða síðar eiga rétt á tólf mánaða fæðingarorlofi samanlagt þannig að sameiginlegur réttur foreldra lengist um tvo mánuði.