Skattar og gjöld
468. mál á 154. löggjafarþingi.
Fjármála- og efnahagsráðherra.
Markmið
Að auka skilvirkni í skatta- og tollframkvæmd og gera löggjöfina skýrari.Helstu breytingar og nýjungar
Lagðar eru til breytingar á ýmsum lögum um skatta og gjöld, s.s. útvíkkun á gistináttaskatti þannig að hann nái jafnframt til gistinátta í skemmtiferðaskipum sem leggjast að höfn hér á landi. Þá eru lögð til ákvæði sem snúa m.a. að lækkun áfengisgjalds á drykki sem lítil brugghús framleiða, afnámi tollfrelsis á skemmtiferðaskip, breytingum á skattskyldu erlendra aðila af tekjum frá föstum starfsstöðvum hér á landi og skattfrelsi styrkja úr Orkusjóði til tekjulægri einstaklinga vegna kaupa á hreinorkubílum.Breytingar á lögum og tengd mál
Lög um gistináttaskatt, nr. 87/2011.
Lög um tekjuskatt, nr.
90/2003.
Lög um staðgreiðslu opinberra gjalda, nr. 45/1987.
Lög um virðisaukaskatt, nr.
50/1988.
Lög um gjald af áfengi og tóbaki, nr.
96/1995.
Tollalög, nr.
88/2005.
Lög um vörugjald af ökutækjum, eldsneyti o.fl., nr.
29/1993.
Lög um innheimtu opinberra skatta og gjalda, nr.
150/2019.
Höfundalög, nr.
73/1972.
Lög um útflutning hrossa, nr.
27/2011.
Búvörulög, nr.
99/1993.
Lög um aukatekjur ríkissjóðs, nr.
88/1991.
Lög um utanríkisþjónustu Íslands, nr.
39/1971.
- Skylt mál: Vörugjald af ökutækjum, eldsneyti o.fl., 592. mál (efnahags- og viðskiptanefnd) á 154. þingi (22.01.2024)
Kostnaður og tekjur
Gert er ráð fyrir að fyrirhugaðar breytingar á gistináttaskatti leiði til 1,8 milljarða kr. tekjuauka fyrir ríkissjóð, þar af 1,6 milljarða kr. í gistináttaskatt og 0,2 milljarða kr. í hliðaráhrif á virðisaukaskatt. Skatturinn mun því samtals skila um 3,1 milljarði kr. árið 2024. Þar af er áætlaður 0,25 milljarðar kr. vegna sölu gistingar um borð í skipum við Ísland sem hingað til hafa verið undanþeginum skattinum. Skattfrelsi styrkja úr Orkusjóði til kaupa á hreinorkubílum hefur í för með sér tekjutap fyrir ríkið sem nemur u.þ.b. 1 milljarði kr. árið 2024. Gert er ráð fyrir að lækkun áfengisgjalds fyrir tiltekið magn af bjór sem lítil, sjálfstæð brugghús framleiða leiði til tæplega 0,2 milljarða kr. tekjutaps fyrir ríkið. Áhrif þessarar lækkunar á innfluttan bjór eru óljós en búist er við að þau verði minni. Fyrirhugað afnám tollfrelsis til handa skemmtiferðaskipum sem eru skráð erlendis en eru notuð í innanlandssiglingum gæti haft jákvæð fjárhagsleg áhrif á ríkissjóð en fjárhæðir í því samhengi liggja þó ekki fyrir.
