Samantekt um þingmál
109. mál á 143. löggjafarþingi.
Innanríkisráðherra.
Markmið
Að veita einstaklingum með kynáttunarvanda refsivernd til samræmis við aðra hópa og koma til móts við alþjóðlegar skuldbindingar á grundvelli viðbótarbókunar við samning Evrópuráðsins um tölvubrot.
Helstu breytingar og nýjungar
Refsivert verður að mismuna einstaklingum á grundvelli kynvitundar í atvinnurekstri og þjónustustarfsemi. Einnig verður refsivert að breiða út ummæli eða tjá sig á annan hátt um hóp manna á grundvelli þjóðernis, litarháttar, kynþáttar, trúarbragða, kynhneigðar eða kynvitundar.
Breytingar á lögum og tengd mál
Skyld löggjöf: Lög um réttarstöðu einstaklinga með kynáttunarvanda nr.
57/2012.
Kostnaður og tekjur
Ekki er gert ráð fyrir auknum kostnaði fyrir ríkissjóð.
Umsagnir (helstu atriði)
Í flestum
umsögnum var lýst yfir stuðningi við frumvarpið. Fram komu ábendingar um að bæta við kyni eða kynferði í upptalningu á þeim þáttum sem njóta refsiverndar.
Afgreiðsla
Frumvarpið varð að lögum óbreytt.
Aðrar upplýsingar
Tilmæli ráðherranefndar Evrópuráðsins til aðildarríkja um aðferðir til að berjast gegn mismunun á grundvelli kynhneigðar og kynvitundar. Recommendation
CM/Rec(2010)5.
Ályktun þings Evrópuráðsins um mismunun á grundvelli kynhneigðar og kynvitundar. Resolution
1728 (2010).
Samningur Evrópuráðsins um tölvubrot.
CETS 185.
Viðbótarbókun við samning Evrópuráðsins um tölvubrot
CETS 189.
Löggjöf á Norðurlöndum
Danmörk
Noregur
135. gr. a.
Svíþjóð
Sjá einkum 16. kafla.
Finnland
Fjölmiðlaumfjöllun
Síðast breytt 03.02.2014. Tenglar í efni sem ekki er á vef Alþingis geta breyst og eru birtir án ábyrgðar. Unnið af starfsfólki upplýsinga- og rannsóknaþjónustu Alþingis.
Um samantektir
Samantektir um þingmál hafa verið birtar á vef Alþingis síðan á 141. þingi (2012-2013). Markmiðið er að setja fram í stuttu máli greinargóðar upplýsingar um þingmál og að tengja í efni sem gæti skýrt það frekar.
Samantektir eru einkum unnar um stjórnarfrumvörp en upplýsingum um önnur mál er bætt við eftir þörfum. Fylgst er með máli frá því að það kemur fram á þinginu og upplýsingum bætt við eftir því sem fram vindur. Þær eru að mestu fengnar úr texta frumvarps og umsagna, en tengt er í efni á öðrum vefjum eftir því sem tilefni er til. Tenglar í efni sem ekki er á vef Alþingis geta breyst og eru birtir án ábyrgðar. Umfjöllunin á að vera óhlutdræg en ekki er hægt að gera ráð fyrir að hún sé tæmandi. Samantektin er ekki hluti af þinglegri meðferð né formlegum skjölum þingmálsins.
Allar ábendingar og athugasemdir eru vel þegnar og má senda þær á netfangið rannsoknathjonusta@althingi.is.