Sameining Seðlabanka Íslands og Fjármálaeftirlitsins
765. mál á 149. löggjafarþingi.
Fjármála- og efnahagsráðherra.
Markmið
Að gera nauðsynlegar lagabreytingar vegna sameiningar Seðlabanka Íslands og Fjármálaeftirlitsins.Helstu breytingar og nýjungar
Lagðar eru til breytingar á lögum um eftirlit með fjármálastarfsemi og ýmsum öðrum lögum sem nauðsynlegar eru vegna sameiningar Seðlabanka Íslands og Fjármálaeftirlitsins. Jafnframt er lagt til að kerfisáhættunefnd verði lögð niður og að hlutverki fjármálastöðugleikaráðs verði breytt. Þá er lagt til að beiting eiginfjárauka vegna kerfisáhættu, eiginfjárauki fyrir kerfislega mikilvæg fjármálafyrirtæki og sveiflujöfnunarauki byggist á stjórnvaldsfyrirmælum í stað stjórnvaldsákvarðana líkt og nú er. Loks eru lagðar til breytingar á lagaumgjörð um eftirlit með lausu fé og stöðugri fjármögnun.Breytingar á lögum og tengd mál
Alls er verið að breyta 30 lögum.- Skylt mál: Seðlabanki Íslands, 790. mál (forsætisráðherra) á 149. þingi (30.03.2019)
- Skylt mál: Breyting á ýmsum lagaákvæðum vegna sameiningar Seðlabanka Íslands og Fjármálaeftirlitsins, 131. mál (efnahags- og viðskiptanefnd) á 150. þingi (19.09.2019)