Mannvirki
17. mál á 151. löggjafarþingi.
Félags- og barnamálaráðherra.
Markmið
Að draga úr sóun, efla og einfalda eftirlit sem og að einfalda regluverk byggingarframkvæmda.Helstu breytingar og nýjungar
Lagðar eru til lagabreytingar til samræmis við tillögur átakshóps um aukið framboð á íbúðum og aðrar aðgerðir til að bæta stöðu á húsnæðismarkaði. Lagt er til að ráðherra skuli í reglugerð flokka mannvirki eftir stærð, vandastigi, fyrirhugaðri notkun og samfélagslegu mikilvægi með það að markmiði að hægt sé að aðlaga umsóknarferli og eftirlit að umfangi framkvæmda. Þá er hnykkt á því að rafræn skil á hönnunargögnum og rafrænar undirskriftir og samþykki vegna umsóknarferlis og skila á gögnum vegna mannvirkjagerðar verði að meginreglu. Loks er lagt til að krafa um faggildingu fyrir byggingarfulltrúaembætti sveitarfélaga og Húsnæðis- og mannvirkjastofnun skv. 19. gr. laganna verði felld brott.Breytingar á lögum og tengd mál
Lög um mannvirki, nr. 160/2010.
Lög um Húsnæðis- og mannvirkjastofnun, nr.
137/2019.
- Endurflutt: Mannvirki, 943. mál (félags- og barnamálaráðherra) á 150. þingi (23.06.2020)
Kostnaður og tekjur
Gert er ráð fyrir að áhrif á ríkissjóð verði óveruleg.Afgreiðsla
Samþykkt með lítils háttar orðalagsbreytingum til að auka skýrleika.Aðrar upplýsingar
Átakshópur leggur til 40 aðgerðir til að bregðast við vanda á húsnæðismarkaði. Forsætisráðuneytið, 22. janúar 2019.
Fyrstu skref að betri byggingamarkaði. Byggingavettvangurinn, 11. nóvember 2019.
