Tilkynningar
Opinn fjarfundur velferðarnefndar þriðjudaginn 11. janúar um framkvæmd sóttvarnaaðgerða
Velferðarnefnd Alþingis heldur opinn fjarfund þriðjudaginn 11. janúar kl. 10:00. Tilefnið er umfjöllun nefndarinnar um framkvæmd sóttvarnaaðgerða.
Gestir fundarins verða Þórólfur Guðnason sóttvarnalæknir og Már Kristjánsson, yfirlæknir Covid-göngudeildar Landspítalans.
Vegna takmarkana á fundahaldi fastanefnda er ekki unnt að hafa fundinn opinn með hefðbundnum hætti eða taka á móti fjölmiðlum á nefndasviði Alþingis. Því verður fundinum streymt á vef þingsins og sjónvarpsrás þess.
Að loknum fundi má nálgast upptöku af fundinum hér.
