Tilkynningar
Opinn fundur í efnahags- og viðskiptanefnd 26. október
Efnahags- og viðskiptanefnd Alþingis heldur opinn fund fimmtudaginn 26. október með Seðlabanka Íslands til að fjalla um skýrslu peningastefnunefndar Seðlabanka Íslands.
Fundurinn hefst kl. 8:30 í húsnæði nefnda- og greiningarsviðs Alþingis í Austurstræti 8–10.
Fundarefnið er skýrsla peningastefnunefndar Seðlabanka Íslands til Alþingis fyrir fyrri hluta ársins 2023 og munu Ásgeir Jónsson, seðlabankastjóri, og Rannveig Sigurðardóttir, varaseðlabankastjóri peningastefnu, koma á fundinn.
Fundurinn verður opinn fulltrúum fjölmiðla og almenningi meðan húsrúm leyfir.
Bein útsending verður frá fundinum á vef Alþingis og á sjónvarpsrás Alþingis.
Fundurinn verður haldinn samkvæmt X. kafla reglna um starfsreglur fastanefnda Alþingis.
