Opinn fundur í efnahags- og viðskiptanefnd þriðjudaginn 21. febrúar
Efnahags- og viðskiptanefnd Alþingis heldur opinn fund þriðjudaginn 21. febrúar í húsnæði nefnda- og greiningarsviðs Alþingis í Austurstræti 8–10 og hefst hann kl. 9:10.
Fundarefnið eru áhrif verðbólgu á hagkerfið og heimilin í landinu. Gestir fundarins verða Ásgeir Jónsson seðlabankastjóri og Rannveig Sigurðardóttir, varaseðlabankastjóri peningastefnu.
Fundurinn verður opinn fulltrúum fjölmiðla og almenningi meðan húsrúm leyfir.
Bein útsending verður frá fundinum á vef Alþingis og á sjónvarpsrás Alþingis.
Að loknum fundi má nálgast upptöku af fundinum hér.
Fundurinn verður haldinn samkvæmt X. kafla reglna um starfsreglur fastanefnda Alþingis.