Tilkynningar
Opinn fundur í stjórnskipunar- og eftirlitsnefnd mánudaginn 5. desember
Stjórnskipunar- og eftirlitsnefnd Alþingis heldur opinn fund mánudaginn 5. desember í húsnæðis nefndasviðs Alþingis í Austurstræti 8–10. Fundurinn hefst kl. 9:30 og stendur til 11:00.
Fundarefnið er skýrsla Ríkisendurskoðunar um sölu á hlut ríkisins í Íslandsbanka.
Gestir fundarins verða Guðmundur Björgvin Helgason ríkisendurskoðandi og Jarþrúður Hanna Jóhannsdóttir, sviðsstjóri hjá Ríkisendurskoðun.
Fundurinn verður opinn fulltrúum fjölmiðla og almenningi meðan húsrúm leyfir.
Bein útsending verður frá fundinum á vef Alþingis og á sjónvarpsrás Alþingis.
Að loknum fundi má nálgast upptöku af fundinum hér.
Fundurinn verður haldinn samkvæmt X. kafla reglna um starfsreglur fastanefnda Alþingis.
