Utanríkismálanefnd heimsækir Eistland og Finnland 16.–19. maí
Utanríkismálanefnd Alþingis átti í dag fundi með utanríkismálanefnd finnska þingsins og Pekka Haavisto, utanríkisráðherra Finnlands, í Helsinki. Á fundunum var einkum fjallað um umsókn Finna um aðild að NATO og breytt öryggisumhverfi í Evrópu í kjölfar innrásar Rússlands í Úkraínu. Í Helsinki mun nefndin einnig kynna sér öndvegissetur um fjölþáttaógnir.
Í gær heimsótti utanríkismálanefnd Tallinn og fundaði m.a. með utanríkismálanefnd eistneska þingsins og Evu-Mariu Liimets, utanríkisráðherra Eistlands, auk þess að kynna sér öndvegissetur NATO um netvarnir.
Nefndarmenn úr utanríkismálanefndum Alþingis og finnska þingsins.
Utanríkismálanefnd ásamt Pekka Haavisto, utanríkisráðherra Finnlands, og Elínu Flygenring, sendiherra Íslands í Finnlandi.