Aðrar útgáfur af skjalinu: PDF - Word Perfect. Ferill 89. máls.
141. löggjafarþing 2012–2013.
Þingskjal 729 — 89. mál.
Síðari umræða.
Breytingartillaga
við tillögu til þingsályktunar um áætlun um vernd og orkunýtingu landsvæða.
Frá Sigurði Inga Jóhannssyni og Árna Johnsen.
Liðurinn „Suðurland, Farið við Hagavatn, 39 Hagavatnsvirkjun“ í a-lið 2. tölul. (Biðflokkur) færist í a-lið 1. tölul. (Orkunýtingarflokkur).
Greinargerð.
Í minnisblaði orkuskrifstofu iðnaðarráðuneytisins frá 5. janúar 2012 koma fram upplýsingar um að ekki sé ástæða til að ætla að Hagavatnsvirkjun rýri gildi svæðisins í nágrenni vatnsins fyrir ferðamenn og jafnframt að virkjunin sé líkleg til að draga úr uppblæstri og sandfoki og auka möguleika til landgræðslu.
