Umræður um ársskýrslur alþjóðanefnda 1. febrúar 2024
Umræður um ársskýrslur alþjóðanefnda eru á dagskrá þingfundar í dag en Alþingi á aðild að átta alþjóðlegum þingmannasamtökum: Alþjóðaþingmannasambandinu, Evrópuráðsþinginu, NATO-þinginu, Norðurlandaráði, Vestnorræna ráðinu, þingmannanefndum EFTA og EES, þingmannaráðstefnu um norðurskautsmál og þingi Öryggis- og samvinnustofnunar Evrópu (ÖSE-þinginu).
Meginmarkmið alþjóðastarfs Alþingis er meðal annars að stuðla að framþróun lýðræðis, mannréttinda og réttarríkisins og að efla samstarf um stærstu áskoranir samtímans sem ganga þvert á landamæri, s.s. loftslagsmál, norðurslóðamál og jafnréttismál.