Alþingiskosningar 1922 – landskjör
Landskjörnir þingmenn, sex talsins, voru fyrst kjörnir sumarið 1916. Kjörtímabilið var 12 ár en helmingur landskjörinna þingmanna skyldi þó hverfa af þingi eftir sex ár og réð hlutkesti því hvaða þingmenn það voru. Sumarið 1922 var komið að því að kjósa þrjá þingmenn í stað þeirra sem þá hurfu af þingi og fór landskjör fram 8. júlí. Í stjórnarskránni frá 1920 var bráðabirgðaákvæði þess efnis að kjörtímabil landskjörinna þingmanna skyldi vera átta ár í stað 12 áður og að umboð landskjörinna þingmanna sem kosnir voru sumarið 1916 félli úr gildi árið 1926.
Aldurstakmark í landskjörinu 1922 var 35 ár og átti það við um bæði karla og konur.
Fimm framboðslistar stóðu kjósendum til boða við landskjörið sumarið 1922: Alþýðuflokkur, Framsóknarflokkur, Heimastjórnarmenn, Kvennalisti og Sjálfstæðismenn. Kosningarnar mörkuðu tímamót þar sem í þeim var fyrsta konan kjörin til setu á Alþingi.
Um kosningarnar | ||
Kjördagur | 8. júlí 1922 | |
Mannfjöldi | 95.180 | |
Kjósendur á kjörskrá | 29.092 | |
Hlutfall kosningabærra af heildarmannfjölda | 30,5% | |
Greidd atkvæði | 11.962 | |
Kosningaþátttaka | 41,1% | |
Hlutfall kjósenda af heildarmannfjölda | 12,6% | |
Kosningaþátttaka karla | 52,7% | |
Kosningaþátttaka kvenna | 32,2% | |
Kjörnir þingmenn | 3 | |
Kosningaúrslit – landskjörnir þingmenn | ||
Gild atkvæði | 11.794 | |
Heimastjórnarmenn | 27,6% | 1 þingmaður |
Framsóknarflokkur | 27,1% | 1 þingmaður |
Kvennalisti | 22,7% | 1 þingmaður |
Alþýðuflokkur | 17,2% | |
Sjálfstæðismenn | 5,4% |