Alþingiskosningar 1967
Fimm stjórnmálasamtök buðu fram við þingkosningarnar sumarið 1967: Alþýðubandalag, Alþýðuflokkur, Framsóknarflokkur, Óháði lýðræðisflokkurinn og Sjálfstæðisflokkur. Óháði lýðræðisflokkurinn bauð einungis fram í Reykjavíkurkjördæmi en hinir í öllum kjördæmum landsins.
Fyrir þessar kosningar komu fram tveir listar Alþýðubandalagsins í Reykjavík, G-listi og I-listi. Efstur manna á hinum síðarnefnda var Hannibal Valdimarsson. Forsvarsmenn þessa framboðs fóru fram á það við landskjörstjórn að hún heimilaði að framboðslisti þess yrði talinn Alþýðubandalagsframboð og merktur bókstöfunum GG. Þetta vildu aðstandendur G-listans ekki fallast á þar sem listi þeirra hefði verið samþykktur á félagsfundi Alþýðubandalagsfélagsins í Reykjavík og væri hann því eini löglegi framboðslisti flokksins en listi Hannibals og félaga hans utanflokkaframboð.
Landskjörstjórn og yfirkjörstjórn reyndust ekki samstíga í málinu. Yfirkjörstjórn úrskurðaði að listinn sem Hannibal leiddi skyldi teljast utanflokkaframboð og fá listabókstafinn I. Þessari niðurstöðu breytti landskjörstjórnin og heimilaði að listi Hannibals fengi listabókstafina GG. Úrskurði landskjörstjórnar var fylgt við kosningarnar í Reykjavík, þar sem umræddur framboðslisti hafði listabókstafinn I, en þegar kom að úthlutun jöfnunarþingsæta fór yfirkjörstjórn eftir niðurstöðu sinni og taldi atkvæði greidd I-listanum til Alþýðubandalagsatkvæða. Alþingi staðfesti þá niðurstöðu þegar úrskurðað var um kjörbréf Steingríms Pálssonar, þingmanns Alþýðubandalagsins, sem var 8. landskjörinn þingmaður, og Hannibal var talinn til þingflokks Alþýðubandalagsins er 88. löggjafarþing hófst haustið 1967 en árið eftir sagði hann endanlega skilið við flokkinn.
| Um kosningarnar | ||||||
| Kjördagur | 11. júní 1967 | |||||
| Mannfjöldi | 197.221 | |||||
| Kjósendur á kjörskrá | 107.101 | |||||
| Hlutfall kosningarbærra af heildarmannfjölda | 53,9% | |||||
| Greidd atkvæði |
97.855 |
|||||
| Kosningaþátttaka | 91,4% | |||||
| Hlutfall kjósenda af heildarmannfjölda | 49,6% | |||||
| Kosningaþátttaka karla | 92,9% | |||||
| Kosningaþátttaka kvenna | 89,8% | |||||
| Kjördæmakjörnir þingmenn | 49 | |||||
| Jöfnunarþingmenn | 11 | |||||
| Heildarfjöldi þingmanna | 60 | |||||
| Kosningaúrslit | ||||||
| Gild atkvæði | 96.090 | |||||
| Sjálfstæðisflokkur | 37,5% | 23 þingmenn | ||||
| Framsóknarflokkur | 28,1% | 18 þingmenn | ||||
| Alþýðubandalag | 17,6% | 10 þingmenn | ||||
| Alþýðuflokkur | 15,7% | 9 þingmenn | ||||
| Óháði lýðræðisflokkurinn | 1,1% | |||||
| Jöfnunarþingmenn | ||||||
| Alþýðubandalag | 4 | |||||
| Alþýðuflokkur | 4 | |||||
| Sjálfstæðisflokkur | 3 | |||||
| Kjördæmi og þingmenn 1967 | |
| Reykjavíkurkjördæmi | 15 þingmenn |
| Reykjaneskjördæmi | 8 þingmenn |
| Vesturlandskjördæmi | 6 þingmenn |
| Vestfjarðakjördæmi | 6 þingmenn |
| Norðurlandskjördæmi vestra | 6 þingmenn |
| Norðurlandskjördæmi eystra | 8 þingmenn |
| Austurlandskjördæmi | 5 þingmenn |
| Suðurlandskjördæmi | 6 þingmenn |
| Þingmenn að loknum alþingiskosningum 11. júní 1967 | |
| Reykjavíkurkjördæmi | |
| Kjördæmakjörnir þingmenn | |
| 1. Bjarni Benediktsson | Sjálfstæðisflokkur |
| 2. Auður Auðuns | Sjálfstæðisflokkur |
| 3. Gylfi Þ. Gíslason | Alþýðuflokkur |
| 4. Þórarinn Þórarinsson | Framsóknarflokkur |
| 5. Jóhann Hafstein | Sjálfstæðisflokkur |
| 6. Magnús Kjartansson | Alþýðubandalag |
| 7. Birgir Kjaran | Sjálfstæðisflokkur |
| 8. Eggert G. Þorsteinsson | Alþýðuflokkur |
| 9. Hannibal Valdimarsson | Utan flokka, I-listi / Alþýðubandalag |
| 10. Pétur Sigurðsson | Sjálfstæðisflokkur |
| 11. Einar Ágústsson | Framsóknarflokkur |
| 12. Ólafur Björnsson | Sjálfstæðisflokkur |
| Jöfnunarþingmenn | |
| 13. Sigurður Ingimundarson | Alþýðuflokkur |
| 14. Eðvarð Sigurðsson | Sjálfstæðisflokkur |
| 15. Sveinn Guðmundsson | Sjálfstæðisflokkur |
| Reykjaneskjördæmi | |
| Kjördæmakjörnir þingmenn | |
| 1. Matthías Á. Mathiesen | Sjálfstæðisflokkur |
| 2. Jón Skaftason | Framsóknarflokkur |
| 3. Emil Jónsson | Alþýðuflokkur |
| 4. Pétur Benediktsson | Sjálfstæðisflokkur |
| 5. Gils Guðmundsson | Alþýðubandalag |
| Jöfnunarþingmenn | |
| 6. Jón Ármann Héðinsson | Alþýðuflokkur |
| 7. Geir Gunnarsson | Alþýðubandalag |
| 8. Sverrir Júlíusson | Sjálfstæðisflokkur |
| Vesturlandskjördæmi | |
| Kjördæmakjörnir þingmenn | |
| 1. Ásgeir Bjarnason | Framsóknarflokkur |
| 2. Jón Árnason | Sjálfstæðisflokkur |
| 3. Halldór E. Sigurðsson | Framsóknarflokkur |
| 4. Friðjón Þórðarson | Sjálfstæðisflokkur |
| 5. Benedikt Gröndal | Alþýðuflokkur |
| Jöfnunarþingmaður | |
| 6. Jónas Árnason | Alþýðubandalag |
| Vestfjarðakjördæmi | |
| Kjördæmakjörnir þingmenn | |
| 1. Sigurvin Einarsson | Framsóknarflokkur |
| 2. Sigurður Bjarnason | Sjálfstæðisflokkur |
| 3. Bjarni Guðbjörnsson | Framsóknarflokkur |
| 4. Matthías Bjarnason | Sjálfstæðisflokkur |
| 5. Birgir Finnsson | Alþýðuflokkur |
| Jöfnunarþingmaður | |
| 6. Steingrímur Pálsson | Alþýðubandalag |
| Norðurlandskjördæmi vestra | |
| Kjördæmakjörnir þingmenn | |
| 1. Skúli Guðmundsson | Framsóknarflokkur |
| 2. Gunnar Gíslason | Sjálfstæðisflokkur |
| 3. Ólafur Jóhannesson | Framsóknarflokkur |
| 4. Pálmi Jónsson | Sjálfstæðisflokkur |
| 5. Björn Pálsson | Framsóknarflokkur |
| Jöfnunarþingmaður | |
| 6. Jón Þorsteinsson | Alþýðuflokkur |
| Norðurlandskjördæmi eystra | |
| Kjördæmakjörnir þingmenn | |
| 1. Gísli Guðmundsson | Framsóknarflokkur |
| 2. Jónas G. Rafnar | Sjálfstæðisflokkur |
| 3. Ingvar Gíslason | Framsóknarflokkur |
| 4. Björn Jónsson | Alþýðubandalag |
| 5. Stefán Valgeirsson | Framsóknarflokkur |
| 6. Magnús Jónsson | Sjálfstæðisflokkur |
| Jöfnunarþingmenn | |
| 7. Bragi Sigurjónsson | Alþýðuflokkur |
| 8. Bjartmar Guðmundsson | Sjálfstæðisflokkur |
| Austurlandskjördæmi | |
| Kjördæmakjörnir þingmenn | |
| 1. Eysteinn Jónsson | Framsóknarflokkur |
| 2. Páll Þorsteinsson | Framsóknarflokkur |
| 3. Jónas Pétursson | Sjálfstæðisflokkur |
| 4. Lúðvík Jósepsson | Alþýðubandalag |
| 5. Vilhjálmur Hjálmarsson | Framsóknarflokkur |
| Suðurlandskjördæmi | |
| 1. Ingólfur Jónsson | Sjálfstæðisflokkur |
| 2. Ágúst Þorvaldsson | Framsóknarflokkur |
| 3. Guðlaugur Gíslason | Sjálfstæðisflokkur |
| 4. Björn Fr. Björnsson | Framsóknarflokkur |
| 5. Steinþór Gestsson | Sjálfstæðisflokkur |
| 6. Karl Guðjónsson | Alþýðubandalag |
