Alþingiskosningar 1942 – seinni kosningar ársins
Þing var rofið 9. september 1942 og fóru alþingiskosningar fram 18. og 19. október. Kosið var samkvæmt nýjum kosningalögum, nr. 80/1942, og breyttri stjórnarskrá. Þær breytingar urðu á kjördæmaskipan að einu einmenningskjördæmi, Siglufjarðarkaupstað, var bætt við og þingmönnum Reykjavíkur fjölgað um tvo og voru þeir átta eftir breytinguna. Þingmönnum á Alþingi fjölgaði um þrjá, urðu 52.
Framkvæmd kosninga breyttist að því leyti að tekin var upp hlutfallskosning í tvímenningskjördæmunum.
Eftir breytinguna voru tvímenningskjördæmi sex en einmenningskjördæmi 21. Í Reykjavíkurkjördæmi voru kjörnir átta þingmenn og jöfnunarþingmenn voru 11.
Fimm stjórnmálasamtök buðu fram í þessum kosningum: Alþýðuflokkur, Framsóknarflokkur, Sjálfstæðisflokkur, Sósíalistaflokkur og Þjóðveldismenn. Sjálfstæðisflokkur, Framsóknarflokkur og Sósíalistaflokkur buðu fram í öllum kjördæmum landsins. Alþýðuflokkurinn bauð ekki fram í sjö kjördæmum og Þjóðveldismenn buðu aðeins fram í Reykjavíkurkjördæmi.
| Um kosningarnar | ||
| Kjördagur | 18.–19. október 1942 | |
| Mannfjöldi | 122.385 | |
| Kjósendur á kjörskrá | 73.560 | |
| Hlutfall kosningarbærra af heildarmannfjölda | 59,7% | |
| Greidd atkvæði | 60.576 | |
| Kosningaþátttaka | 82,3% | |
| Hlutfall kjósenda af heildarmannfjölda | 49,5% | |
| Kosningaþátttaka karla | 87,6% | |
| Kosningaþátttaka kvenna | 77,3% | |
| Kjördæmakjörnir þingmenn | 41 | |
| Jöfnunarþingmenn | 11 | |
| Heildarfjöldi þingmanna | 52 | |
| Kosningaúrslit | ||
| Gild atkvæði | 59.668 | |
| Sjálfstæðisflokkur | 38,5% | 20 þingmenn |
| Framsóknarflokkur | 26,6% | 15 þingmenn |
| Sósíalistaflokkur | 18,5% | 10 þingmenn |
| Alþýðuflokkur | 14,2% | 7 þingmenn |
| Þjóðveldismenn | 2,2% | |
| Jöfnunarþingmenn | ||
| Sósíalistaflokkur | 6 | |
| Alþýðuflokkur | 3 | |
| Sjálfstæðisflokkur | 2 | |
| Kjördæmi og þingmenn 18.–19. október 1942 | |
| Einmenningskjördæmi | |
| Borgarfjarðarsýsla | 1 |
| Mýrasýsla | 1 |
| Snæfellsnes- og Hnappadalssýsla | 1 |
| Dalasýsla | 1 |
| Barðastrandarsýsla | 1 |
| Vestur-Ísafjarðarsýsla | 1 |
| Ísafjarðarkaupstaður | 1 |
| Norður-Ísafjarðarsýsla | 1 |
| Strandasýsla | 1 |
| Vestur-Húnavatnssýsla | 1 |
| Austur-Húnavatnssýsla | 1 |
| Siglufjarðarkaupstaður | 1 |
| Akureyrarkaupstaður | 1 |
| Suður-Þingeyjarsýsla | 1 |
| Norður-Þingeyjarsýsla | 1 |
| Seyðisfjarðarkaupstaður | 1 |
| Austur-Skaftafellssýsla | 1 |
| Vestur-Skaftafellssýsla | 1 |
| Vestmannaeyjakaupstaður | 1 |
| Hafnarfjarðarkaupstaður | 1 |
| Gullbringu- og Kjósarsýsla | 1 |
| Tvímenningskjördæmi – hlutfallskosning | |
| Skagafjarðarsýsla | 2 |
| Eyjafjarðarsýsla og Siglufjarðarkaupstaður | 2 |
| Norður-Múlasýsla | 2 |
| Suður-Múlasýsla og Neskaupstaður | 2 |
| Rangárvallasýsla | 2 |
| Árnessýsla | 2 |
| Kjördæmi með hlutfallskosningu | |
| Reykjavík | 8 |
